QR Prezıdenti Togo basshysyna: Halyqaralyq kúrdeli jaǵdaıda kúsh biriktirý kerek

<p>Memleket basshysy Qasym-Jomart Toqaev Aqordada Qazaqstanǵa resmı saparmen kelgen Togo Respýblıkasynyń Prezıdenti For Essozımna Gnassıngbemen kelissóz júrgizdi.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly Aqordanyń baspasóz qyzmetine silteme jasap habarlaıdy.</p>

Qasym-Jomart Toqaev For Gnassıngbege iltıpat bildirip, onyń Qazaqstanǵa tarıhı sapary ekijaqty qarym-qatynastyń jańa kezeńine jol ashatynyn atap ótti.

«Qazaqstan sizdiń elińizben jan-jaqty yntymaqtastyqty ilgeriletýge múddeli. Buǵan deıingi beıresmı áńgimelesý barysynda biz Qazaqstan men Togo arasynda yqpaldastyq ornatý úshin ózara múddeni kózdeıtin qolda bar múmkindikterdi talqyladyq. Árıne, elderimiz ártúrli qurlyqta, ártúrli aımaqta ornalasqan. Biraq bizge qazirgideı halyqaralyq kúrdeli jaǵdaıda kúsh biriktirý kerek. Osy oraıda Qazaqstan men Togo, sondaı-aq basqa da memleketter halyqaralyq qatynastardy qalypqa keltirý úshin bir bolýy qajet», – dedi Prezıdent.

Kezdesý barysynda Memleket basshysy Qazaqstan men Togo kúsh jumyldyra otyryp, aldaǵy ýaqytta atqara alatyn negizgi salalardy aıqyndady. Qasym-Jomart Toqaevtyń pikirinshe, ekijaqty jáne halyqaralyq kún tártibin ilgeriletý úshin turaqty dıalog ornatý qajet.

Óz kezeginde Prezıdent For Gnassıngbe jyly shyraı tanytqany úshin Qasym-Jomart Toqaev pen Qazaqstan halqyna alǵys aıtty

«Men Sizge jáne barsha Qazaqstan jurtshylyǵyna Togo halqynyń ystyq yqylasyn jetkizgim keledi. Eki eldiń ıgiligi jolyndaǵy yntymaqtastyqqa tyń serpin berý úshin zor múmkindik bar», – dedi Togo Prezıdenti.

Budan keıin prezıdentter eki el delegatsııalarynyń qatysýymen keńeıtilgen quramda kelissóz júrgizdi.

Memleket basshysy Qasym-Jomart Toqaevtyń shaqyrýymen 27-28 qarashada Togo Respýblıkasynyń Prezıdenti For Essozımna Gnassıngbe Qazaqstanǵa resmı saparmen keletinin buǵan deıin jazǵan bolatynbyz. Búgin QR Prezıdenti Aqordada For Essozımna Gnassıngbeni saltanatty túrde qarsy aldy. 

Qazaqstan Prezıdentiniń keńesshisi – Baspasóz hatshysy Berik Ýálıuly bul sapardyń máni men mańyzy týraly aıtty.

Kazinform tilshisi Togo Respýblıkasynyń tarıhyna, prezıdentine qatysty ǵalamtordaǵy derekterge kóz júgirtken edi.