Qasym-Jomart Toqaev «Shyǵys-Sút» korporatsııasynyń óndiris alańynda boldy
18:15, 26 Aqpan 2024
<p>ÓSKEMEN. KAZINFORM - Memleket basshysyna jańa tehnologııalardy paıdalana otyryp, sút óńdeýmen jáne sút ónimderin shyǵarýmen aınalysatyn kásiporynnyń jumysy jóninde málimet berildi. </p>
Korporatsııa 100-den astam taýar túrin shyǵarady.
Búginde kompanııa ótimdi aýyl sharýashylyǵy ónimderiniń úlesin arttyryp, eksport kólemin ulǵaıtýǵa kúsh salyp otyr.
Korporatsııanyń ıeliginde 4 sharýashylyq, sonyń ishinde sıyrlardy avtomatty túrde saýýǵa jáne jemdeýge arnalǵan qurylǵymen jabdyqtalǵan robotty ferma bar.
Buǵan qosa, kásiporyn ónim shyǵarý úshin óńirdegi 22 eldi mekennen sút jınaıdy.
Qasym-Jomart Toqaev kásiporyn jumysshylarmen áńgimelesip, qazirgi aýyl sharýashylyǵy joǵary tehnologııalyq salaǵa aınalýy kerek ekenin atap ótti.
Sondaı-aq kompanııa ujymyna tabys tiledi.