Qasym-Jomart Toqaev Shavkat Mırzıeevti Ózbekstannyń Táýelsizdik kúnimen quttyqtady

<p>ASTANA. KAZINFORM &ndash;&nbsp; <strong>Qasym-Jomart Toqaev Shavkat Mırzıeevti Ózbekstannyń Táýelsizdik kúnimen quttyqtady</strong><strong>, dep habarlady Aqorda. </strong>&nbsp;</p>

Memleket basshysy quttyqtaý jedelhatynda Ózbekstannyń ekonomıkalyq jáne áleýmettik damý, halyqaralyq arenadaǵy bedelin nyǵaıtý jáne azamattardyń ál-aýqatyn arttyrý baǵyttarynda tolaıym tabysqa jetkenin atap ótti.

Qazaqstan Prezıdenti ǵasyrlar boıy jalǵasqan dostyq, tatý kórshilik jáne ózara qoldaý rýhyndaǵy qazaq-ózbek strategııalyq seriktestigi men odaqtastyq qatynasty odan ári jan-jaqty damytýǵa nıetti ekenin rastady.

Qasym-Jomart Toqaev Shavkat Mırzıeevtiń jaýapty memlekettik qyzmeti tabysty bolýyna jáne baýyrlas ózbek halqynyń ósip-órkendeı berýine tilektestik bildirdi.