Qasym-Jomart Toqaev Shavkat Mırzıeevti áýejaıdan qarsy aldy
18:56, 07 Tamyz 2024
<p>ASTANA. KAZINFORM - Qasym-Jomart Toqaev Qazaqstanǵa memlekettik saparmen kelgen Ózbekstan Prezıdenti Shavkat Mırzıeevti elorda áýejaıynda qarsy aldy, dep habarlaıdy Aqordanyń baspasóz qyzmeti. </p>
Mártebeli qonaqty saltanatpen qarsy alý úshin áýejaıda Qurmet qaraýyly rotasy sap túzep turdy.
Sapar aıasynda joǵary deńgeıde ekijaqty kelissózder júrgiziledi jáne birqatar mańyzdy qujatqa qol qoıylady dep josparlanyp otyr.
Ortalyq Azııanyń yqpaldy memleketteri qatarynda Qazaqstan men Ózbekstannyń aty jıi aıtylady. Qos el saıası sabaqtastyqtan bólek, saýda-ekonomıkalyq seriktestikti basty basym baǵytqa aınaldyryp úlgerdi.
7-8 tamyz kúnderi tústiktegi kórshi el basshysy Shavkat Mırzıeev Qazaqstanǵa resmı sapary ótedi. Bul memlekettik saparda kóptegen mańyzdy kelisimderge qadam jasalýy múmkin.
Osy tusta Kazinform tilshisi eki eldiń yntymaqtastyǵy men saýda qarym-qatynastary jóninde sholý jasaǵan edi.