Qasym-Jomart Toqaev reseılik tarapqa birlesken agroınnovatsııa ortalyqtaryn qurýdy usyndy

<p>Qazaqstan men Reseıdiń XIX Óńiraralyq yntymaqtastyq forýmynda Memleket basshysy Qasym-Jomart Toqaev birlesken agroınnovatsııa ortalyqtar qurýdy usyndy, dep habarlaıdy Kazinform.</p>

«Zamanaýı agrarlyq ǵylymdy damytý jáne agroónerkásip keshenine ınnovatsııany belsendi túrde engizý isi yntymaqtastyǵymyzdyń taǵy bir mańyzdy baǵyty sanalady. Qazaqstan zertteý ýnıversıtetteriniń rólin kúsheıte otyryp, «bilim – ǵylym – óndiris» úshtaǵan júıesi aıasynda ǵylym salasyn reformalaýdy bastady», - dedi Qasym-Jomart Toqaev.

Bul rette Prezıdent birlesken agroınnovatsııa ortalyqtaryn qurýdy usyndy. Olar jańa tehnologııalardy, sonyń ishinde jasandy ıntellektini kommertsııalandyrýmen jáne óndiriske engizýmen aınalysar edi.

«Ózimizdiń daqyldar tuqymyn kóbeıtý – taǵy bir strategııalyq mindet. Kartop pen qant qyzylshasy sııaqty negizgi daqyldar boıynsha Qazaqstandaǵy otandyq selektsııanyń úlesi 10 paıyzǵa jetpeıtindigin moıyndaýymyz qajet. Mundaı jaǵdaıdy shuǵyl retteý kerek. Ósimdik sharýashylyǵynda mıneraldyq tyńaıtqyshtardyń jetkilikti deńgeıde qoldanylmaýy problemaǵa aınaldy. Qazaqstanda ǵylymı negizdelgen qajettiliktiń 25 paıyzy ǵana, al Reseıde is júzinde úsh ese kóp óteledi. Sonyń saldarynan aýyl sharýashylyǵy daqyldarynyń basym bóligi boıynsha Qazaqstannyń ónim alý kórsetkishi basqa jetekshi agrarlyq derjavalarǵa qaraǵanda ázirge aıtarlyqtaı tómen», - dedi Memleket basshysy.