Qasym-Jomart Toqaev Reseıdegi oqıǵaǵa baılanysty Qaýipsizdik Keńesi múshelerimen jıyn ótkizedi

<p>ASTANA. KAZINFORM - Búgin Memleket basshysy Qasym-Jomart Toqaev Reseıdegi lańkestik oqıǵaǵa baılanysty qabyldanatyn sharalar týraly Qaýipsizdik Keńesiniń múshelerimen jıyn ótkizedi.&nbsp;</p>

Bul týraly Aqordanyń baspasóz qyzmeti habarlaıdy.

«Qazaqstan Máskeýdegi beıbit azamattarǵa qarsy terrorıstik aktini qatań aıyptaıdy», – dep málimdedi buǵan deıin Prezıdent Qasym-Jomart Toqaev.

Buǵan deıin habarlanǵandaı, belgisiz bireýler Máskeý túbindegi Krasnogorsk qalasyndaǵy Krokýs sıtı holl ǵımaratynda oq jaýdyrǵan.

Kýágerlerdiń aıtýynsha, qylmyskerler keshki saǵat 20:30 shamasynda, kontsert bastalar aldynda negizgi podezd arqyly ǵımaratqa kirip, kelýshiler men kúzetshilerge birden oq atqan. Sodan úsh-tórt adam kontsert zalyna kirip, kórermenderdi atyp, «Molotov kokteılderin» laqtyra bastaǵan. Osydan keıin shabýyl jasaǵandar qashyp ketken.

Reseıdiń Densaýlyq saqtaý mınıstrligi lańkestik áreketten zardap shekken 145 adamnyń birazynyń tizimin jarııalady.

Qaıǵyly oqıǵaǵa baılanysty Qazaqstan azamattary úshin myna senim telefony boıynsha jedel jeli iske qosyldy: 8 [phone].

QR Syrtqy ister mınıstrligi habarlaǵandaı, Reseıdegi teraktide qaza tapqandar men zardap shekkender arasynda qazaqstandyqtar bar ekeni týraly aqparat joq.