Qasym-Jomart Toqaev Qarmet Kreatıvti tehnologııalar ortalyǵyn aralady

<p><strong>QARAǴANDY. KAZINFORM &ndash; Memleket basshysy Qarmet Kreatıvti tehnologııalar ortalyǵyn aralap kórdi. Atalǵan ortalyq búginde metallýrgter qalasynyń belsendi ári shyǵarmashyl jastarynyń basyn qosatyn orynǵa aınalǵan.&nbsp;</strong></p>

Prezıdentke «Qarmet» aktsıonerlik qoǵamynyń profıldik emes aktıvterdi basqarý jónindegi dırektory Almas Sıranov Ortalyqta robotty tehnıka, avtomodeldeý, ushqyshsyz basqarylatyn drondar sektsııalary, baǵdarlamalaý, blogerler, jýrnalıstıka, dokýmentalıstıka mektepteri, podkast stýdııasy jáne basqa da shyǵarmashylyq baǵyttaǵy úıirmeler ashylǵanyn jetkizdi.

Onyń aıtýynsha, Ortalyq tek metallýrgııalyq kombınattyń ǵana emes, Temirtaý qalasynyń kórnekti nysanyna aınalady. Munda jastar kásibı baǵdar alyp, ózderiniń ınjenerlik daǵdylaryn shyńdaıdy. 

Foto: Aqorda

Prezıdent kásiporyn jumysshylarymen jáne ardagerlerimen, sondaı-aq kásipodaq ókilderimen áńgimelesý barysynda eńbek adamy eń joǵary qurmetke laıyq ekenin atap ótti. Bul rette memleket tarapynan olardyń ál-aýqatyn jaqsartý úshin barlyq jaǵdaı jasalyp jatqanyn jetkizdi. 

Foto: Aqorda

Eske sala keteıik, buǵan deıin Memleket basshysy Qasym-Jomart Toqaevtyń Qaraǵandy oblysyna jumys saparymen kelgenin jazǵan edik. Sondaı-aq Prezıdent Qarmet metallýrgııalyq kombınatyna bardy.