Qasym-Jomart Toqaev pen Sadyr Japarov eki el ónerpazdarynyń gala-kontsertin tamashalady
Budan bólek, kontsertte «Astana opera»memlekettik opera jáne balet teatrynyń ártisteri, «Gúlder», «Astana sazy», «Arkasyry» (Qyrǵyzstan) ansamblderi sııaqty shyǵarmashylyq ujymdar kórermenderge keremet kóńil kúı syılady.
Baǵdarlama aıasynda «Manas» eposynan úzindi oqylyp, qos halyqqa keń taraǵan ánder men kúıler oryndaldy. Sondaı-aq birneshe horeografııalyq kompozıtsııa usynyldy.
Sonymen qatar kontsertti Qyrǵyzstannyń resmı delegatsııa músheleri men zııaly qaýym ókilderi tamashalady.
Buǵan deıin habarlaǵanymyzdaı, búgin memleket basshysy Qyrǵyzstan Prezıdenti Sadyr Japarovty elorda áýejaıynda qarsy alǵan bolatyn.
Qyrǵyz Respýblıkasynyń Prezıdenti Sadyr Japarovtyń elimizdegi resmı sapary aıasynda qazaq-qyrǵyz zııalylary men shyǵarmashylyq ókilderiniń forýmy ótip jatyr. Іs-sharada sóz alǵan Erlan Qarın qazaq-qyrǵyz baýyrlastyǵynyń túp tarıhyna toqtalyp, qos halyqtyń alyp perzentteri arasyndaǵy dostyqtyń ozyq úlgilerinen mysal keltirgenin jazǵan bolatynbyz.
Sondaı-aq, Astanada Qyrǵyz Respýblıkasynyń Prezıdenti Sadyr Japarovtyń resmı sapary aıasynda Qazaqstannyń mádenıet jáne óner qaıratkerlerine Qyrǵyzstannyń memlekettik nagradalaryn tapsyrý rásimi ótti.