Memleket basshysy Matenadaran kóne qoljazbalar ınstıtýtyna bardy
15:30, 15 Sáýir 2024
<p>EREVAN. KAZINFORM – Prezıdent Qasym-Jomart Toqaev Armenııaǵa resmı sapary aıasynda Ulttyq jınalys tóraǵasy Alen Sımonıanmen birge Mesrop Mashtots atyndaǵy Matenadaran kóne qoljazbalar ǵylymı-zertteý ınstıtýtyna bardy. Bul týraly Aqordanyń baspasóz qyzmeti málim etti. </p>
Memleket basshysy álemdegi eń iri qoljazbalar qorynyń biri sanalatyn mekemeniń jumysymen tanysyp, kóne mátinderdi qarady.
Sonymen qatar Qasym-Jomart Toqaevqa ǵylymı-zertteý ınstıtýtynda saqtaýly turǵan qypshaq qoljazbalary kórsetildi. Sońǵy jyldary armıan ǵalymdarynyń kómegimen Matenadaran qorynan Ortalyq Azııa jáne Qazaqstan tarıhyna qatysty 40 kóne eńbektiń kóshirmeleri alyndy. Bıyl ınstıtýt qypshaq tilindegi qoljazbalar jınaǵyn shyǵarýdy josparlap otyr.
Matenadaran ıÝNESKO-nyń Dúnıejúzilik muralar tizimine engizilgen ári armıan halqynyń ulttyq eskertkishteri saqtalǵan mańyzdy mekemelerdiń biri sanalady. Instıtýt – Armenııa maqtanyshtarynyń biri.