ASTANA. KAZINFORM — Memleket basshysy Qasym-Jomart Toqaev «Shymkent–Samara» tas jolynda bolǵan jol apatynan ózbekstandyq segiz azamattyń qaza tabýyna baılanysty Prezıdent Shavkat Mırzıeevke kóńil aıtty, dep habarlaıdy Aqordanyń baspasóz qyzmeti.
Qazaqstan Prezıdenti qara jamylǵan otbasylardyń qaıǵysyna ortaqtasyp, jyly lebiz bildirdi.
Aıta keteıik, keshe Samara-Shymkent tasjolynda, Marjanbulaq aýylynyń mańynda Volvo júk kóligi men Ózbekstan Respýblıkasy azamatynyń basqarýyndaǵy Toyota-Alhpard kóligi soqtyǵysty. Apat saldarynan mınıvenniń júrgizýshisi men 7 jolaýshysy qaza tapty. Barlyǵy da Ózbekstan Respýblıkasynyń azamattary.
Boljam boıynsha qozǵalys kezinde júk kóliginiń dóńgelegi jarylǵan, saldarynan júrgizýshi kóliktiń baǵytyn baqylaı almaı, qarsy jolaqqa shyǵyp ketken.
Erbol Janat
EUÝ-da jýrnalıstıka mamandyǵy boıynsha bakalavrıatty jáne magıstratýrany támamdaǵan. Stambýl memlekettik ýnıversıtetinde ǵylymı taǵylymdamadan ótken. «Qazaqstan» ulttyq telearnasynda, "Astana aqshamy" gazetinde tilshi bolǵan. 2014 jyldan beri Kazinform HAA-da shyǵarýshy redaktor qyzmetin atqaryp keledi.