Qasym-Jomart Toqaev Ózbekstan Prezıdentine kóńil aıtty

<p>ASTANA. KAZINFORM&nbsp;&mdash; Memleket basshysy Qasym-Jomart Toqaev &laquo;Shymkent&ndash;Samara&raquo; tas jolynda bolǵan jol apatynan ózbekstandyq segiz azamattyń qaza tabýyna baılanysty Prezıdent Shavkat Mırzıeevke kóńil aıtty, dep habarlaıdy Aqordanyń baspasóz qyzmeti.&nbsp;</p>

Qazaqstan Prezıdenti qara jamylǵan otbasylardyń qaıǵysyna ortaqtasyp, jyly lebiz bildirdi.

Aıta keteıik, keshe Samara-Shymkent tasjolynda, Marjanbulaq aýylynyń mańynda Volvo júk kóligi men Ózbekstan Respýblıkasy azamatynyń basqarýyndaǵy Toyota-Alhpard kóligi soqtyǵysty. Apat saldarynan mınıvenniń júrgizýshisi men 7 jolaýshysy qaza tapty. Barlyǵy da Ózbekstan Respýblıkasynyń azamattary.

Boljam boıynsha qozǵalys kezinde júk kóliginiń dóńgelegi jarylǵan, saldarynan júrgizýshi kóliktiń baǵytyn baqylaı almaı, qarsy jolaqqa shyǵyp ketken.