Qasym-Jomart Toqaev memlekettik qyzmetkerlerge syıaqy berýge qatysty pikir bildirdi
«Sonymen qatar jaqynda memlekettik qyzmetkerlerge syıaqy berýge tyıym salynatyndyǵy týraly másele qyzý talqylandy. Qarjy mınıstrligi oǵan tyıym salýǵa negiz joq ekenin túsindirip berdi. Memlekettik qyzmetshiler – eldegi júıeli ózgeristerdiń basty jolbasshylary. Olardyń tabysy aıtarlyqtaı kóp emes. Keı kezderi túnimen jumysta otyrady. Memlekettik qyzmetshilerdiń de otbasy men mindeti, qala berdi qarapaıym adam retindegi qalaýy men jospary bar», - dedi Prezıdent.
Qasym-Jomart Toqaev memlekettik organdardyń tıimdiligin arttyrý úshin qatardaǵy qyzmetkerlerdiń eńbekaqysy básekege qabiletti bolýy kerek dep oılaıtyndyǵyn ashyq aıtty.
«Syıaqy atalǵan máseleni sheshýge múmkindik beredi. Basqa jolmen memlekettik qyzmetke bilikti mamandardy tartyp, kadr turaqsyzdyǵy problemasyn sheshý qıyn», - dedi Memleket basshysy.