Qasym-Jomart Toqaev memlekettik BAQ-tyń mindetin atady

<p>ASTANA. KAZINFORM &ndash; Memleket basshysy Qasym-Jomart Toqaev BAQ salasy qyzmetkerlerin marapattaý rásiminde sóılegen sózinde eldegi oń ózgeristerdiń BAQ-ta tıisti deńgeıde jaryq kórmeı jatqanyn synǵa aldy.</p>

«Sońǵy jyldary elimizdiń barlyq óńirinde turaqty túrde jańa kásiporyndar ashylyp, jańa joldar men kópirler salynyp jatyr. Injenerlik jeliler men turǵyn úı-kommýnaldyq sharýashylyq nysandary jańartylyp jatyr. Biraq kóbine mundaı jaǵymdy aqparat laıyqty deńgeıde taralmaı jatady. Jaqsyny jaqsy dep aıtý kerek. El damýyndaǵy oń ózgeristerge kóbirek nazar aýdarý buqaralyq aqparat quraldarynyń, ásirese, memlekettik BAQ-tyń mindeti dep sanaımyn», - dedi Memleket basshysy.

Q.Toqaev bıyl avtojol salasynda halyq kópten iri jobalar iske qosylatynyn aıtty.

«Bul jobalar elimizdiń kólik qurylymyn nyǵaıtyp, iskerlik belsendiliktiń artýyna yqpal etedi. Atap aıtqanda, «Astana – Almaty», «Almaty – Óskemen», «Aqtóbe – Qandyaǵash», «Atyraý – Astrahan» joldary paıdalanýǵa beriledi. Sonymen qatar «Jezqazǵan – Qaraǵandy» magıstralin jobalaý jumystary bastalady. Munyń bári – júzege asyrylyp jatqan jáne josparlanǵan aýqymdy jobalardyń bir bóligi ǵana», - dedi Prezıdent.