Qasym-Jomart Toqaev Majarstan Premer-mınıstrimen telefon arqyly sóılesti

<p>ASTANA. KAZINFORM - Qasym-Jomart Toqaev pen Vıktor Orban ekijaqty kún tártibiniń ózekti máselelerin talqylap, Qazaqstan men Majarstan arasyndaǵy strategııalyq seriktestikke oń baǵa berdi. Bul týraly Aqordanyń baspasóz qyzmeti habarlady.&nbsp;</p>

Eń aldymen energetıka, qarjy jáne ınvestıtsııa salalaryndaǵy joǵary deńgeıde qol jetkizilgen kelisimderdi tıimdi iske asyrýǵa basa nazar aýdaryldy. Ekijaqty yntymaqtastyqty odan ári jandandyrý úshin birlesken jumysty jalǵastyrýdyń mańyzyna den qoıyldy.

Qasym-Jomart Toqaev pen Vıktor Orban qazirgi jahandyq jáne óńirlik máseleler boıynsha pikir almasyp, halyqaralyq uıymdar aıasyndaǵy ózara yqpaldastyqty kúsheıtýge beıil ekenderin rastady.

Áńgimelesý sońynda Memleket basshysy Majarstan Premer-mınıstrin Qazaqstanǵa saparmen kelýge shaqyrdy.