Qasym-Jomart Toqaev Malaızııa Premer-mınıstri Anýar Ibragımdi áýejaıdan shyǵaryp saldy

<p>ASTANA. KAZINFORM &ndash;&nbsp; Memleket basshysy Qasym-Jomart Toqaev elimizge resmı sapary aıaqtalǵan Malaızııa Premer-mınıstri Anýar Ibragımdi elorda áýejaıynan shyǵaryp saldy, dep habarlaıdy Aqordanyń baspasóz qyzmeti.</p>

Foto: akorda.kz

Óz kezeginde Anýar Ibragım qurmet kórsetkeni úshin Qazaqstan Prezıdentine alǵys aıtyp, Qasym-Jomart Toqaevty búgingi týǵan kúnimen quttyqtady.

Foto: akorda.kz

Foto: akorda.kz

Aıta keteıik, «Aqorda» rezıdentsııasynda Qazaqstanǵa resmı saparmen kelgen Malaızııa Premer-mınıstri Anýar Ibragımdi saltanatty túrde qarsy alý rásimi ótken bolatyn.

Memleket basshysy shaǵyn formattaǵy kezdesý barysynda Malaızııany Qazaqstannyń Ońtústik-Shyǵys Azııadaǵy mańyzdy ári senimdi seriktesteriniń biri retinde atady. 

Malaızııa delegatsııasymen keńeıtilgen quramda ótken kelissóz barysynda ózara tıimdi baılanystardy odan ári nyǵaıtýǵa basa mán berilip, ekijaqty kún tártibindegi birqatar ózekti másele qarastyryldy. 

QR Prezıdenti Qasym-Jomart Toqaev pen Malaızııanyń Premer-mınıstri Anýar Ibragım «Aqorda» rezıdentsııasynyń aýlasynda serýendedi.