Qasym-Jomart Toqaev Qostanaıda egis alqabyn aralady
Qasym-Jomart Toqaevqa oblys ákimi óńirdegi aýyl sharýashylyǵyn damytý sharalary jóninde málimet berdi.
Qumar Aqsaqalovtyń baıandaýynsha, bıyl dıqandar 5 mıllıon gektar alqapqa egin ekken. Elıtalyq tuqymnyń úlesi men mıneraldy tyńaıtqysh sebý kólemin ulǵaıtý, sondaı-aq mashına-traktor parkin jańartý arqyly egin sharýashylyǵynyń ónimdiligin arttyrý josparlanyp otyr.
Sondaı-aq Memleket basshysyna óńirde mal jáne qus sharýashylyǵy salalaryn damytý týraly baıandaldy.
Atap aıtqanda, aldaǵy úsh jylda 14 taýarly sút fermasyna ınvestıtsııa tartylady. Mal sharýashylyǵyna arnalǵan 44 keshen jáne eki iri qus fabrıkasy salynady.
Atalǵan jobalar esebinen oblystaǵy sút jáne et óndirý kólemi 1,4 ese, al qus eti óndirisi 5 ese kóbeıedi.
Budan bólek, birqatar ınvestıtsııalyq jobany júzege asyrý nátıjesinde úsh jyl ishinde tereń óńdeletin ónimderdiń úlesin 70 paıyzǵa deıin jetkizý mindeti qoıylǵan.
Prezıdent «Nadejdınka» JShS-niń egis alqabyn aralap kórip, aýyl sharýashylyǵy eńbekkerlerimen áńgimelesti.
Memleket basshysy egindi ýaqtyly jınap alý, eńbek ónimdiligin arttyrý jáne agrarlyq salaǵa jańa tehnologııalar engizý, aýyl sharýashylyǵy jerlerin maqsatqa saı paıdalaný mańyzdy ekenin atap ótti.
Qasym-Jomart Toqaev memleket otandyq fermerlerdi qoldaýdy jalǵastyratynyn jáne tabysty jobalardy júzege asyrýǵa kómek kórsetetinin jetkizdi.