Qasym-Jomart Toqaev Kongo Prezıdentin Aqordada qarsy aldy

<p>ASTANA. KAZINFORM — Memleket basshysy Qasym-Jomart Toqaev Astanaǵa resmı saparmen kelgen Kongo Respýblıkasynyń Prezıdenti Denı Sassý-Ngessony Aqordada qarsy aldy.</p>

Mártebeli meımannyń saparyna oraı Saltanatty rásimder zalynda qurmet qaraýyly sap túzep, onyń bastyǵy Memleket basshylaryna sálemdik baıanat berdi.

Foto: Soltan Jeksenbekov/ Kazinform

Osydan keıin Prezıdent orkestri eki eldiń memlekettik ánuranyn oryndady.

Ánurandardy tyńdap bolǵannan keıin Qasym-Jomart Toqaev pen Denı Sassý-Ngesso kilemshe boıymen Qazaqstan Respýblıkasynyń Memlekettik Týyna qaraı júrdi.

Foto: Soltan Jeksenbekov/Kazinform

Onyń aldyna kelgende meıman toqtap, basyn sál ıip, óziniń qurmetin bildirdi.

Sonan soń meıman men Prezıdent qurmetti qaraýyl sapynyń boıymen júrdi.

Qurmetti qaraýyl bastyǵymen qoshtasty.

Foto: Soltan Jeksenbekov/ Kazinform

Qazirgi ýaqytta Memleket basshylary shaǵyn quramdaǵy kezdesýge ótti.

Buǵan deıin Memleket basshysy Qasym-Jomart Toqaevtyń shaqyrýymen 2-3 tamyz kúnderi Kongo Respýblıkasynyń Prezıdenti Denı Sassý-Ngesso Qazaqstanǵa resmı saparmen keletindigin jazǵan edik.