Qasym-Jomart Toqaev Qyrǵyz Prezıdenti Sadyr Japarovqa kóńil aıtty

<p>ASTANA. KAZINFORM — Prezıdent Qasym-Jomart Toqaev Qyrǵyzstannyń Osh oblysy Nooqat aýdanynda sel júrý saldarynan adamdardyń qaza tabýyna baılanysty Qyrǵyz Respýblıkasynyń Prezıdenti Sadyr Japarovqa kóńil aıtý jedelhatyn joldady.</p>

— Qazaqstan halqynyń jáne jeke óz atymnan qaza tapqan azamattardyń otbasy men jaqyn týystaryna qaıǵyryp kóńil aıtamyn. Sondaı-aq zardap shekkenderdiń tezirek saýyǵyp ketýine tilektestik bildiremin. Qazaqstan tatý kórshilik jáne ózara qoldaý rýhynda tabıǵat apaty bolǵan eldi mekenge gýmanıtarlyq kómek jiberdi. Qajet bolǵan jaǵdaıda, baýyrlas Qyrǵyzstanǵa járdem berýge ázirmiz, — dep jazylǵan jedelhatta.

Esterińizge sala keteıik, buǵan deıin Qyrǵyzstanda alapat selden 9 adam qaza tapqanyn jazǵan bolatynbyz.

Artynsha sol joıqyn selden qazaqstandyq 4 bala kóz jumǵany belgili boldy. 

Búgin balalardyń máıiti Shyǵys Qazaqstan oblysyna jetkizildi.