Qasym-Jomart Toqaev: Qazaqstan bıyl 12 mln tonna astyq eksportqa shyǵarady
Buǵan deıin habarlaǵanymyzdaı, elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen Aýyl sharýashylyǵy qyzmetkerleriniń birinshi forýmy bastaldy. Sharaǵa memlekettik organ ókilderinen bólek eldiń túkpir-túkpirinen jınalǵan 2 myńnan astam aýyl sharýashylyǵy salasynyń mamandary qatysyp otyr.
«Barshańyzdy Aýyl sharýashylyǵy eńbekkerleriniń birinshi forýmynyń ashylýymen quttyqtaımyn! Alqaly jıyn Aýyl sharýashylyǵy, tamaq jáne óńdeý ónerkásibi qyzmetkerleri kúni qarsańynda ótip jatyr. Kásibı merekelerińiz qutty bolsyn! Sondaı-aq bul forým elimizde tyń ıgerý naýqany bastalǵanyna 70 jyl tolýyna tuspa-tus kelip otyr. Sol naýqannyń túrli saldary bolǵanyn bilesizder. Soǵan qaramastan aýyl sharýashylyǵynda kóptegen oń ózgeris jasaldy. Qazaqstan az ýaqyt ishinde álemdegi eń astyqty eldiń birine aınaldy. Áleýmettik ınfraqurylym jaqsardy, eldi mekender salyndy. Men búgin alǵashqy tyńgerlerdiń jáne olardyń izin basqan dıqandarymyzdyń eńbegin erekshe atap ótkim keledi», - dedi Prezıdent.