Qasym-Jomart Toqaev Qaýipsizdik keńesiniń otyrysyn ótkizdi

<p>ASTANA. KAZINFORM &mdash; Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik keńesiniń kezekti otyrysy ótti.</p>

Jıynda Premer-Mınıstrdiń orynbasary — Ulttyq ekonomıka mınıstri Nurlan Baıbazarov, Qorǵanys mınıstri Rýslan Jaqsylyqov, Ónerkásip jáne qurylys mınıstri Qanat Sharlapaev elimizdiń qorǵanys qabiletin nyǵaıtý sharalaryn júzege asyrý máseleleri týraly baıandama jasady.

Foto: Aqorda

Qaýipsizdik keńesi memlekettiń áskerı áleýetin arttyrýǵa baılanysty usynylǵan tásilder jáne armııany zamanaýı qarýmen, áskerı tehnıkamen, sonyń ishinde otandyq qorǵanys kesheni kásiporyndary shyǵarǵan ónimdermen jaraqtandyrý boıynsha tıisti sheshimder qabyldady.

Jıyn sońynda Prezıdent — Qaýipsizdik keńesiniń tóraǵasy Qasym-Jomart Toqaev Úkimetke jáne basqa da múddeli memlekettik organdarǵa elimizdiń áskerı uıymyn jetildirý baǵytynda birqatar naqty tapsyrma berdi.

Foto: Aqorda