Qasym-Jomart Toqaev Qatar Ámirimen telefon arqyly sóılesti

<p>Prezıdent Qasym-Jomart Toqaev Qatar Ámiri sheıh Támım ben Hamad Ál Tánımen telefon arqyly sóılesti, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Memleketter basshylary shynaıy dostyq pen ózara yntymaqtastyq rýhynda damyp kele jatqan ekijaqty qatynastardyń jaı-kúıine kóńilderi tolatynyn aıtty. Sondaı-aq olar eń joǵary deńgeıdegi yqpaldastyq qarqynyn saqtaýǵa daıyn ekenin málimdedi.

Qasym-Jomart Toqaev Qatardy Qazaqstannyń arab álemindegi strategııalyq seriktesteriniń biri retinde atap ótti. Prezıdenttiń pikirinshe, Qatar Ámiriniń jýyrdaǵy sapary jáne Astana halyqaralyq forýmyna qatysýy qazaq-qatar yntymaqtastyǵyna tyń serpin berdi.

Áńgimelesý barysynda eki el basshylary buǵan deıin qol qoıylǵan kelisimder negizinde saýda-ekonomıkalyq yntymaqtastyqty nyǵaıtý perspektıvalaryn talqylady, sonymen qatar seriktestikti odan ári keńeıtý baǵyttaryn aıqyndady.