Qasym-Jomart Toqaev Ispanııa Koroline kóńil aıtty

<p>ASTANA. KAZINFORM - Memleket basshysy Ispanııa Koroline kóńil aıtý jedelhatyn joldady<strong>, </strong>dep habarlaıdy Aqordanyń basspasóz qyzmeti.</p>

Qasym-Jomart Toqaev Ispanııada tabıǵı apat saldarynan kóptegen adamnyń qaza tabýyna baılanysty Korol VI Felıpege kóńil aıtty.

– Osyndaı aýyr sátte Sizge, jaqyndarynan aıyrylǵan otbasylarǵa Qazaqstan halqynyń jáne ózimniń atymnan kóńil aıtamyn. Zardap shekkenderdiń tezirek saýyǵyp ketýine tilektestik bildiremin, – dep jazylǵan jedelhatta.

Osyǵan deıin Ispanııada sý tasqyny saldarynan 50-den astam adam mert bolǵany týraly jazdyq.

Ispanııadaǵy sý tasqynynan zardap shekkender arasynda qazaqstandyqtar joq.

Ispanııada úsh kún aza tutý kúni jarııalandy.