Qasym-Jomart Toqaev ICAO keńesiniń prezıdentin qabyldady

<p>ASTANA. KAZINFORM - QR Prezıdenti Qasym-Jomart Toqaev ICAO keńesiniń prezıdenti Salvatore Shakkıtanony qabyldady, dep habarlaıdy <a href="https://www.akorda.kz/kz/kasym-zhomart-tokaev-icao-kenesinin-prezidenti-salvatore-shakkitanony-kabyldady-12105212" target="_blank" rel="noopener">Aqorda.</a></p>

 Halyqaralyq azamattyq avıatsııa uıymynyń (ICAO) basshysymen kezdesý barysynda avıatsııa salasyn damytý perspektıvasy talqylandy.

Memleket basshysy ICAO-men nátıjeli yntymaqtastyq ornatqan 30 jyl ishinde Qazaqstannyń Uıym standarttaryna sáıkestigi 82 paıyzǵa jetkenin atap ótti. Bul – damyǵan Eýropa elderimen teń deńgeıdegi kórsetkish.

Qasym-Jomart Toqaevtyń aıtýynsha, áýejaılardy jańǵyrtý, áýe kemeleri parkin ulǵaıtý jáne «ashyq aspan» rejımin engizý baǵytyndaǵy dáıekti sharalardyń nátıjesinde ushý geografııasy aıtarlyqtaı keńeıip, halyqaralyq reısterdiń sany artty.

Óz kezeginde ICAO keńesiniń prezıdenti Qazaqstanmen áýe tasymalynyń qaýipsizdigi jáne turaqtylyǵyn qamtamasyz etý maqsatyndaǵy seriktestikti odan ári nyǵaıtýǵa qoldaý kórsetýge daıyn ekenin málimdedi. Sonymen qatar elimizdiń azamattyq avıatsııa salasyndaǵy tabysyn joǵary baǵalady.

Salvatore Shakkıtano Qazaqstannyń Uıym janynan turaqty ókildigin ashqany úshin rızashylyǵyn bildirip, kelesi jyly Astanaǵa saparmen kelýdi josparlap otyrǵanyn jetkizdi.

Eske salaıyq, búgin Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi. Sondaı-aq Qasym-Jomart Toqaev SOP29 cammıtinde birqatar eldiń basshylarymen áńgimelesti.