Qasym-Jomart Toqaev elordadaǵy jańa emhanaǵa bardy

<p>&laquo;City&raquo; emhanasynyń jańa fılıaly Astananyń qarqyndy damyp kele jatqan aýdanynda ornalasqan. Bul nysanda 30 myńǵa deıin patsıent tirkele alady. Sondaı-aq munda halyqqa alǵashqy dárigerlik kómekten bastap keshendi dıagnostıka men konsýltatsııaǵa deıingi qyzmetter kórsetiledi, dep habarlaıdy&nbsp;<a href="https://kaz.inform.kz/" target="_blank" rel="noopener"> Kazinform</a> Aqordanyń baspasóz qyzmetine silteme jasap.&nbsp;&nbsp;</p>

Jobanyń ınvestory, «Olymp Medical Group» JShS bas dırektory Erlan Súleımenovtiń aıtýynsha, bul City emhanalar jelisiniń úshinshi fılıaly. Elordanyń Nura jáne Almaty aýdandarynda eki fılıal jumys istep jatyr. Taǵy da úsh nysan kelesi jyly paıdalanýǵa berilmek.

Emhananyń taǵy bir ereksheligi onda mammologııalyq ortalyq ashylady. Naýqastar munda keshendi dıagnostıkadan ótip, sút bezi aýrýlarynan emdele alady. Medıtsınalyq ortalyqta tomosıntezi bar tsıfrlyq mammografııa, dástúrli jáne vakýýmdyq aspıratsııalyq bıopsııa ádisteri, hırýrgke qaterli isikterdi alyp tastaý jolyn kórsetetin lokalızatsııalyq ıneler ornatý sııaqty dıagnostıkalyq tehnologııalar qoldanylady. Sonymen qatar emhanada barlyq qajetti quraldarmen jabdyqtalǵan ambýlatorııalyq hırýrgııa ortalyǵy ashylmaq.

Astana qalalyq Qoǵamdyq densaýlyq saqtaý basqarmasynyń basshysy Álııa Rústemovanyń aıtýynsha, qazirgi ýaqytta elordanyń sol jaǵalaýynda ambýlatorııalyq kómek berý isi kenjelep qalǵan. Qosymsha taǵy 5 emhana ashý kerek. Halyq sanynyń udaıy ósip kele jatqanyn eskersek, medıtsınalyq mekemelerge degen qajettilik áli de arta beredi. Bul máseleni sheshýde memlekettik-jekemenshik seriktestik belsendi qoldanylady. Bes jyl ishinde Astana qalasynyń ákimdigi 3 memlekettik emhana salynady jáne 12 jeke emhana ashylady dep josparlap otyr.