Qasym-Jomart Toqaev Djordja Melonıdi Astanaǵa shaqyrdy

<p>ASTANA. KAZINFORM - Qazaqstan Prezıdenti Italııa Mınıstrler Keńesiniń tóraǵasy Djordja Melonımen kezdesti</p>

Memleket basshysy «Abý Dabıdiń ornyqty damý aptalyǵy» alańynda Italııa Mınıstrler Keńesiniń tóraǵasy Djordja Melonımen kezdesý ótkizdi.

Qasym-Jomart Toqaev Djordja Melonıdi týǵan kúnimen quttyqtap, dostas Italııa halqynyń ıgiligi jolyndaǵy memlekettik qyzmetine tabys tiledi.

Prezıdent byltyr Rımge jasaǵan resmı saparyn yqylaspen eske alyp, sonyń nátıjesinde Qazaqstan-Italııa qatynastarynyń jańa kezeńine jol ashylǵanyn atap ótti.

Memleketaralyq yntymaqtastyqty joǵary deńgeıde saqtaý úshin Qasym-Jomart Toqaev Djordja Melonıdi Astanaǵa resmı saparmen kelýge shaqyrdy.

Buǵan deıin Memleket basshysy jasandy ıntellekt salasyndaǵy sarapshylarmen kezdesken.