Qasym-Jomart Toqaev «Altyn orda» kúrish zaýytyna bardy

<p>Memleket basshysy Qasym-Jomart Toqaev Qyzylorda oblysyna jumys sapary barysynda &laquo;Altyn orda&raquo; kúrish zaýytynyń jumysymen tanysty. <a href="https://kaz.inform.kz/" target="_blank" rel="noopener">Kazinform</a> bul týraly Aqordanyń baspasóz qyzmetine silteme jasap habarlaıdy.</p>

Kásiporyn dırektory Saǵıdýlla Syzdyqovtyń aıtýynsha, zaýyt jylyna 30 myń tonna aqtalǵan kúrish óndiredi. Ónimniń basym bóligi ishki naryqqa, sonymen qatar kórshiles elderge ótkiziledi.

Prezıdentke Qyzylorda oblysyndaǵy aýyl sharýashylyǵy taýaryn óndirýshilerdiń ónimderi tanystyryldy. Kórmege kúrish ósirýmen aınalysatyn iri kásiporyndardyń taýar túrleri, sondaı-aq et, sút, kondıter jáne balyq ónimderi, kókónister men jemister qoıylǵan.

Memleket basshysy Syr boıy dıqandary men sharýalarynyń eńbegine tabys tiledi. Sondaı-aq tek kúrish ósirýmen shektelmeı, agroónerkásip salasyn ártaraptandyrý, ásirese, sýdy az qajet etetin daqyldardy ósirý mańyzdy ekenine nazar aýdardy.

Degenmen Prezıdent eksporttyq áleýeti joǵary dástúrli kúrish sharýashylyǵyn odan ári jetildirýge de basa mán berý qajettigin atap ótti.

Bul rette Ybyraı Jaqaev atyndaǵy Qazaq kúrish sharýashylyǵy ǵylymı-zertteý ınstıtýty ýkraınalyq mamandarymen birlesip, kúrishtiń basqa da sorttaryn jersindirý jumystaryn júrgizip jatyr.

Sonymen qatar Qasym-Jomart Toqaev osy óndiristik keshen aýmaǵynda byltyr iske qosylǵan «Assol» tuz óndirý zaýytyn da aralap kórdi. Araldyń tuzyn kádege jaratyp, as tuzyn shyǵaratyn kásiporynda 130 adam jumyspen qamtylǵan. Ónim kórshiles Reseımen qatar Latvııa, Lıtva, Estonııa, Belarýs memleketterine eksporttalady.