Qasym-Jomart Toqaev Aqtóbe oblysynyń ınvestıtsııalyq áleýetimen tanysty

<p>Aqtóbe oblysyna jumys sapary aıasynda Prezıdentke aımaq basshysy Ashat Shaharov óńirdiń ekonomıkalyq áleýeti men perspektıvti ınvestıtsııalyq jobalary týraly baıandady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordaǵa silteme jasap.&nbsp;</p>

Oblys ákiminiń aıtýynsha, bıylǵy 10 aıda óńir ekonomıkasyna 804,4 mlrd teńge ınvestıtsııa tartylǵan.

Bul kórsetkish ótken jyldyń osy kezeńimen salystyrǵanda 8,2 paıyzǵa kóp.

Salynǵan qarjynyń negizgi bóligi, ıaǵnı 725,5 mlrd teńge jeke ınvestorlarǵa tıesili.

Sonyń ishinde óńdeý ónerkásibine 62,6 mlrd teńge, metall kenin ıgerýge 145,6 mlrd teńge quıylǵan.

Foto: Aqorda

Bıyl jalpy somasy 57,2 mlrd teńge bolatyn 19 iri jobany iske qosý josparlanǵan.

Barlyq ınvestıtsııalyq joba úshin jasyl dáliz qaǵıdaty engizilgen.

Birqatar ınfraqurylymdyq joba ázirlengeni týraly málimet berdi.

Qazir Aqtóbe — Qarabutaq — Ulǵaısyn avtojolynyń jobalyq-smetalyq qujattary daıyndalyp jatyr.

Aqtóbede káriz júıesin tazartý qondyrǵysyn salý jónindegi jobany tanystyrdy.

Quny 53,5 mlrd teńge bolatyn jobany iske asyrý úshin Eýropalyq qaıta qurý jáne damý bankinen qarjy tartylmaq.

Aqtóbe qalasyna «Buhara — Oral» magıstraldy gaz qubyrynan úshinshi jelini tartý jumystary jóninde baıandady.

Jobanyń júzege asyrylýy qoldanystaǵy gaz qubyrlarynyń júktemesin azaıtýǵa múmkindik beredi.