Aqordada Vladımır Pýtındi saltanatty qarsy alý rásimi ótti

<p>ASTANA. KAZINFORM &ndash; Memleket basshysy Qasym-Jomart Toqaev Aqordada Qazaqstanǵa memlekettik saparmen kelgen Reseı Prezıdenti Vladımır Pýtındi<a href="https://kaz.inform.kz/news/prezidenttn-shakiruimen-vladimir-putin-kazakstanga-memlekettk-saparmen-keled-b9ae8e/" target="_blank" rel="noopener"> qarsy aldy</a>.</p>

Qarsy alý rásimi saltanatty rásimder zalynda Qurmet qaraýylynyń sap túzeýinen bastaldy.

Qaraýyl bastyǵy Memleket basshysy men mártebeli meımanǵa baıanat berdi. Osydan keıin Prezıdent orkestri eki eldiń ánuranyn oryndady.

Odan ári Vladımır Pýtın men Qasym-Jomart Toqaev kilemshe boıymen Qazaqstan Respýblıkasynyń Memlekettik týyna qaraı júrdi.

Onyń aldyna kelgende meıman toqtap, basyn ıip, iltıpat bildirdi.

Foto: Aqorda

Budan keıin eki el basshylary Qurmetti qaraýyl sapynyń boıymen júrip ótti. Reseı prezıdenti Qurmetti qaraýyl bastyǵymen qoshtasyp, Q.Toqaevpen kezdesýge ótti.

Joǵary deńgeıdegi kelissózderden keıin memleket basshylary Qazaqstan men Reseıdiń HH Óńiraralyq yntymaqtastyq forýmyna beınekonferentsııa rejımi arqyly qatysady. 

28 qarasha kúni Qazaqstan Prezıdenti Qasym-Jomart Toqaevtyń tóraǵalyǵymen UQShU Ujymdyq qaýipsizdik keńesiniń kezekti sessııasy ótedi. Jıynda aımaqtyq jáne halyqaralyq qaýipsizdiktiń negizgi máseleleri talqylanady. Otyrys qorytyndysy boıynsha birqatar qujatqa qol qoıylady.

Foto: Aqorda

Aıta keteıik, búgin Qazaqstan Prezıdenti Qasym-Jomart Toqaevtyń «Izvestııa» gazetine, al Vladımır Pýtınniń «Kazahstanskaıa pravda» gazetine maqalasy shyqty.