Qasym-Jomart Toqaev Aqordada Majarstan Premer-Mınıstrin qarsy aldy

<p>Memleket basshysy Qasym-Jomart Toqaev Aqordada Qazaqstanǵa resmı saparmen kelgen Majarstan Premer-Mınıstri Vıktor Orbandy qarsy aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Qarsy alý rásimi saltanatty rásimder zalynda Qurmet qaraýylynyń sap túzeýinen bastaldy. Qaraýyl bastyǵy Memleket basshysy men mártebeli meımanǵa baıanat berdi.

Osydan keıin Prezıdent orkestri eki eldiń ánuranyn oryndady.

Foto: Adlet Beremkýlov/Kazinform

Odan ári Vıktor Orban men Qasym-Jomart Toqaev kilemshe boıymen Qazaqstan Respýblıkasynyń Memlekettik týyna qaraı júrdi.

Onyń aldyna kelgende meıman toqtap, basyn sál ıip, iltıpat bildirdi.

Foto: Adlet Beremkýlov/Kazinform

Budan keıin eki el basshylary Qurmetti qaraýyl sapynyń boıymen júrdi.

Majarstan Premer-Mınıstri Qurmetti qaraýyl bastyǵymen qoshtasyp, Q.Toqaevpen kezdesýge ótti.

Eske salsaq, keshe keshke Vıktor Orbandy Astana áýejaıynda Premer-Mınıstrdiń orynbasary Serik Jumanǵarın kútip alǵan bolatyn. 

Qazaqstan basshylyǵymen kelissóz barysynda Qazaqstan men Majarstan arasyndaǵy saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy yntymaqtastyqty odan ári tereńdetý máseleleri talqylanady dep josparlanyp otyr.

Aıta ketý kerek, Astanada Túrki memleketteri uıymynyń H sammıti ótedi.

Oǵan Ázerbaıjan, Qyrǵyzstan, Túrkııa, Ózbekstan prezıdentteri, baqylaýshy memleketter – Majarstan men Túrikmenstan basshylary qatysady.