Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy

<p>Memleket basshysy Qasym-Jomart Toqaev Qazaqstanǵa resmı saparmen kelgen Frantsııa prezıdenti Emmanıýel Makrondy Aqordada kútip aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Foto: Adlet Beremkýlov/ Kazinform

Mártebeli meımannyń saparyna oraı saltanatty rásimder zalynda Qurmet qaraýyl sap túzep, onyń bastyǵy Memleketter basshylaryna baıanat berdi.

Osydan keıin Prezıdenttik orkestr eki eldiń ánuranyn oryndady.

Foto: Adlet Beremkýlov/ Kazinform

Foto: Adlet Beremkýlov/ Kazinform

Odan ári Emmanıýel Makron men Qasym-Jomart Toqaev kilemshe boıymen Qazaqstan Respýblıkasynyń Memlekettik týyna qaraı júrdi.

Foto: Adlet Beremkýlov/ Kazinform

Onyń aldyna kelgende meıman toqtap, basyn sál ıip, iltıpatyn bildirdi.

Budan keıin qos Prezıdent Qurmetti qaraýyl sapynyń boıymen júrdi.

Foto: Adlet Beremkýlov/ Kazinform

Frantsııa Prezıdenti Qurmetti qaraýyl bastyǵymen qoshtasyp, Q.Toqaevpen shaǵyn quramdaǵy kezdesýge ótti.

Foto: Adlet Beremkýlov/ Kazinform

Eske salaıyq, Frantsııa Prezıdenti Qazaqstanǵa Memleket basshysy Qasym-Jomart Toqaevtyń shaqyrýymen kelip otyr.  

Sapar aıasynda eki el basshylary saýda-ekonomıkalyq, ınvestıtsııalyq jáne energetıkalyq yntymaqtastyqty nyǵaıtý, sondaı-aq halyqaralyq jáne óńirlik kún tártibindegi máselelerdi talqylaıdy dep josparlanǵan.

Foto: Kazinform

Aıta ketý kerek, Qazaqstan Prezıdenti Qasym-Jomart Toqaevtyń Frantsııaǵa byltyr jasaǵan resmı sapary aıasynda 35 qujatqa qol qoıylǵan bolatyn.