Qasym-Jomart Toqaev AES boıynsha referendýmda daýys berdi

<p>ASTANA. KAZINFORM &ndash; Memleket basshysy Qasym-Jomart Toqaev elimizde atom elektr stansasyn salý boıynsha referendýmda daýys berdi.</p>

Foto: B. Ýálıdiń facebook paraqshasynan

Foto: B. Ýálıdiń facebook paraqshasynan

«Búgin tarıhı kún. Halqymyz AES qurylysy boıynsha daýys beredi, mańyzdy másele. Búgin halqymyz qandaı sheshim qabyldasa, memleketimizdiń túpkilikti baılamy sondaı bolady», - dedi Memleket basshysy daýys bergennen keıin BAQ ókilderine bergen suhbatynda. 

Sonymen qatar BAQ ókilderi Prezıdentten referendýmnan qandaı nátıje kútetindigin suraǵan edi.

«Nátıje oń bolady dep oılaımyn. Shyn máninde durys aıttyńyz, búgin taǵdyrsheshti oqıǵa. Keleshekte osyndaı oqıǵalar neǵurlym kóp bolsa, bizdiń halqymyz úshin, elimiz úshin jaqsy bolady dep oılaımyn. Sebebi, halqymyz osyndaı óte mańyzdy máseleler boıynsha daýys beredi. Sondyqtan referendýmdy qoldaımyn», - dedi Qasym-Jomart Toqaev.

Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi.

Ortalyq referendým komıssııasy tóraǵasynyń orynbasary Konstantın Petrov eldiń barlyq óńirinde Qazaqstanda atom elektr stantsııasyn salý máselesi boıynsha jalpyulttyq referendým bastalǵanyn resmı málim etti.

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.