«Qasym han» serıaly jáne basqa da jobalarǵa bólingen qarajat jymqyrylǵan bolýy múmkin
«Qazaqfılmniń ózi zertteý júrgizdi. Olqylyqtar bolǵannan keıin barlyǵy erteń olardyń moınyna ilinbeýi kerek qoı. Qazaqfılm basshysy jańadan keldi. Azamat Satybaldy belsendi jumys istep júrgen azamat. Erteń olqylyqtardyń barlyǵy qordalanbaýy, barlyǵy júıeli túrde jumys isteý úshin sol zertteý jumystaryn júrgizgen. Sol aýdıttyń qorytyndysynda qarjylyq jetispeýshilik bolǵan. Ol prokýratýraǵa bergen. Ol birneshe joba. Men biletinim «Qasym han» degen kıno joba bar. Odan da basqa joba bolýy múmkin. Ony quzyretti organdar anyqtaıdy. Búginde bul bizdiń boljamymyz. Ony quzyrly organdar jan-jaqty zerdelep, qarjy durys ıgerilmegenin ne jymqyrylǵanyn anyqtaıdy», - dedi mınıstr Ortalyq kommýnıkatsııalar qyzmetindegi brıfıngte BAQ ókilderiniń saýalyna oraı.
Aıta keteıik, Almaty qalasynyń prokýratýrasy «Sháken Aımanov atyndaǵy Qazaqfılm» Aktsıonerlik qoǵamyn tekserý qorytyndysy boıynsha asa iri kólemde bıýdjet qarajatyn urlaý faktisine qatysty sotqa deıingi tergep-tekserýdi bastaǵan bolatyn. Aldyn-ala málimet boıynsha fılm túsirýge bólingen 400 mıllıon teńgeden astam qarjynyń urlanǵany anyqtalyp otyr.