Kásibı qyzmetin atqaryp júrgen jýrnalıske qol kóterýdi aıyptaımyz - Dáýren Abaev

ASTANA. QazAqparat - Búgin QR Aqparat jáne kommýnıkatsııalar mınıstri Dáýren Abaev «31 arna» men Qazaqstan ortalyq kontsert zaly kúzetshisiniń arasyndaǵy janjalǵa qatysty málimdeme jasady, dep habarlaıdy QazAqparat.

«Qazaqstan ortalyq kontsert zalynda «31 arna» jýrnalısine kúzetshiniń  qol kóterýine baılanysty Aqparat jáne kommýnıkatsııalar mınıstrliginiń ustanymy mynandaı: Biz adamǵa, onyń ústine óziniń kásibı qyzmetin atqaryp júrgen jýrnalıske qol kóterýdiń kez kelgen faktisin aıyptaımyz. Bul oqıǵaǵa baılanysty tyńǵylyqty tergeý júrgizilýin suraıtyn bolamyz. Fakti nátıjesi boıynsha mindetti túrde málimdeme jasaımyz. Jýrnalıst tarapynan qatelik oryn alǵan kúnniń ózinde de biz qol kóterýdi aıyptaımyz», - dedi mınıstr QHA sessııasynyń aıasynda BAQ ókilderine.

Sonymen qatar Dáýren Abaev eger jýrnalıst zańnama men erejeler aıasynda áreket etetin bolsa, onda oǵan eshqandaı kedergi jasalmaýy tıistigin basa aıtty.

Aıta keteıik, keshe birqatar BAQ  Dımash Qubaıbergenovtyń qurmetine ótken «Álem tanyǵan Dımash» atty shara barysynda Qazaqstan ortalyq kontsert zalynyń kúzetshisi «31 arna» tilshisine qol jumsaǵandyǵyn jazǵan bolatyn.