Qashyqtan oqytý: Oqýshylarǵa qosymsha kompıýterler satyp alyndy
17:48, 17 Sáýir 2020
NUR-SULTAN. QazAqparat – Qashyqtan oqytý aıasynda muǵalimder men oqýshylarǵa qosymsha kompıýterler satyp alyndy. Bul týraly QR Bilim jáne ǵylym vıtse-mınıstri Sholpan Karınova málim etti, dep habarlaıdy QazAqparat tilshisi.
«Jergilikti atqarýshy organdar búginde oqýshylardy kompıýtermen, ınternetpen qamtamasyz etý sharalaryn jalǵastyrýda. Muǵalimder men oqýshylarǵa mektepterdegi 250 myń kompıýter taratylǵan bolatyn. 11 myńnan astam kompıýter qosymsha satyp alynyp, pedagogtar men balalarǵa jetkiziledi», - dedi vıtse-mınıstr Ortalyq kommýnıkatsııalar qyzmetindegi onlaın tártipte ótken baspasóz máslıhatynda.
Budan buryn habarlanǵandaı, QR Bilim jáne ǵylym vıtse-mınıstri Sholpan Karınova qashyqtan oqytý aıasynda ınternet platforma arqyly bilim alyp jatqan oqýshylar týraly aıtty.
Sonymen qatar, bıyl qashyqtan oqytýǵa qatysty jaǵdaı ózgermese, onda oqý jylynyń aıaqtalýyna arnalǵan sońǵy qońyraý soǵylmaýy múmkin.