Qashyqtan oqytý máselelerin retteýge baǵyttalǵan zań jobasy Senatqa joldandy
Zań jobasy 2020 jyldyń 30 qyrkúıeginde Parlament Májilisiniń jalpy otyrysynda birinshi oqylymda maquldanǵan. Áleýmettik-mádenı damý komıtetiniń múshesi Ábdimanap Bekturǵanovtyń aıtýynsha zań jobasynyń maqsaty – bilim berý protsesin odan ári jetildirý. Zań jobasymen jumys isteý barysynda depýtattar
Qashyqtan oqytý máselelerin retteýge, jergilikti bıýdjetterde bekitilgen qarajat kólemi sheginde balalarǵa qosymsha bilim berýge memlekettik bilim berý tapsyrysyn ornalastyrýǵa, bilim berý uıymdarynda jáne olardyń aýmaqtarynda ákelýge tyıym salynǵan nemese paıdalanylýy shektelgen zattardyń tizbesin bekitý boıynsha ýákiletti organnyń quzyretin aıqyndaý kózdelip otyr. Odan bólek zań jobasynyń kómegimen oqýlyqt pen oqý-ádistemelik keshenderdiń sapasyn arttyrýǵa baǵyttalǵan túzetý engizilgen.
«Oqýlyqtardyń, oqý-ádistemelik keshenderdiń qurylymy men mazmunyna qoıylatyn talaptardy belgileý, mektepke deıingi tárbıe men oqytýdyń, bastaýysh, negizgi orta, jalpy orta bilim berýdiń úlgilik oqý josparlaryna, úlgilik oqý baǵdarlamalaryna saraptama júrgizý jáne olardy synaqtan ótkizý usynylady. Sheteldik bilimdi jáne biliktilikti sheteldik dıplomnyń balamalylyǵyn anyqtamaı-aq tanýǵa múmkindik beretin «bilim týraly qujattardy nostrıfıkatsııalaý» rásimin «bilim týraly qujattardy tanýǵa» aýystyrý kózdelýde», - dedi ol.
Zańynyń jobasyn ekinshi oqylymda maquldanyp, Senat qaraýyna jiberildi.