Qashaǵandy iske qosý úshin jóndeý jumystary kúsheıtilgen tártipte júrip jatyr - QR Energetıka mınıstri

ASTANA. QazAqparat - «Qashaǵan» ken ornynda munaı óndirýdi bıylǵy qazanda jandandyrý úshin jóndeý jumystary jedeldetilgen qarqynmen júrip jatyr. Bul týraly búgin Úkimet otyrysynda QR Energetıka mınıstri Qanat Bozymbaev málim etti.

«Aǵymdaǵy jóndeý jumystary jospary shamamen 83 paıyzdyq deńgeıde, shyn máninde atqarylǵan jumys 87 paıyzdy qurap otyr. Ekologııalyq aıyppuldarǵa baılanysty problema boldy, biraq Siz qabyldaǵan sheshimge oraı búginde bul másele retteldi», - dedi ol QR Premer-Mınıstri Kárim Másimovke qaratyp aıtqan sózinde.

Eger de Qashaǵandaǵy jumys merziminen buryn bastalsa, ıaǵnı (ken orny) qazan aıynda iske qosylsa, Qazaqstanda munaı óndirý kólemi artpaq.

Óz kezeginde Úkimet basshysy Qashaǵan jumysyn qazan aıynda naqty iske qosý múmkindigi jaıynda surady.

«Búginde atqarylyp jatqan sharalar ken ornyn iske qosý múmkindigin jaqyndatyp otyr. Degenmen josparly merzim basqa ýaqytta edi», - dedi mınıstr.

Otyrys barysynda K. Másimov ken ornyndaǵy jaǵdaımen egjeı-tegjeıli tanysý úshin Qashaǵanǵa saparyn josparlady.