Qashaǵandaǵy óndiris eldegi munaı ónimderiniń baǵasyna áser ete almaıdy - «QazMunaıGaz» AQ Basqarma tóraǵasynyń orynbasary
11:34, 02 Qazan 2013
ALMATY. 2 qazan. QazAqparat - Qashaǵan munaıy bıyldan bastap eksportqa shyǵa bastaıdy. Bul búgin Almatyda ótip jatqan «Munaı jáne gaz - KIOGE 2013» halyqaralyq konferentsııasynda aıtyldy.
«Qazaqstanda bıyl 82 mln. tonna munaı óndiriledi. Onyń ishinde Qashaǵan munaıynyń da úlesi bar. Ázirge onyń kólemi qansha bolatyny belgisiz», -deıdi «QazMunaıGaz» AQ Basqarma tóraǵasynyń geologııa jáne perspektıvaly jobalar boıynsha orynbasary Qurmanǵazy Esqazıev. Onyń aıtýynsha, Qashaǵan munaıy túgeldeı eksportqa shyǵarylady. Sondyqtan ol eldegi munaı ónimderiniń baǵasyna esh áser etpeıdi. Al QR Munaı jáne gaz mınıstrliginiń munaı ónerkásibin damytý departamentiniń dırektory Qýandyq Qulmurzınniń sózine qaraǵanda, Qashaǵandaǵy munaı óndirisine qatysty 2014 jylǵy jospar ázirge ózgerissiz qalyp otyr. Bıyl ondaǵy munaı óndirisi bastapqyda sáýirde, odan keıin maýsymda bastalady dep josparlanǵanymen tek qyrkúıekte ǵana iske qosylǵan bolatyn.