Qashaǵandaǵy isten shyqqan gaz qubyryn jóndeý bolmasa almastyrý jaıly aıtýǵa áli erte - S.Myńbaev

ASTANA. QazAqparat - Qashaǵanda isten shyqqan qubyrdy almastyrý bolmasa jóndeý týraly naqty ınvestıtsııalyq sheshim naýryz aıynyń sońynda shyǵady. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «QazMunaıGaz» UK» AQ basqarma tóraǵasy Saýat Myńbaev málim etti.

«Qazir Qashaǵan boıynsha konsortsıým men Qazaqstan arasynda zańdyq turǵydan eshqandaı kelispeýshilikter joq. Óıtkeni, 2008 jylǵy kelisimshartta joba kommertsııalyq deńgeıge shyqpaǵan jaǵdaıda 2013 jyldyń qazanynan bastap ulttyq kompanııa shyǵyndardy ótemeıdi degen pýnkt engizilgen bolatyn».

«QazMunaıGaz» kompanııasy basshysynyń aıtýynsha, qubyrdy almastyrýǵa ketetin shyǵyndar somasy da naýryz aıynda belgili bolady.

Sondaı-aq jıynda belgili bolǵandaı, 2013 jyly barlaý jumystarynyń jáne kelisimshart aýmaǵyndaǵy qordy qaıta baǵalaýdyń nátıjesinde «QazMunaıGaz» UQ» AQ boıynsha kómirsýtegi shıkizatynyń qordalanǵan qor ósimi 11,5 mln. tonnany qurady.

Ótken jyly ulttyq kompanııa geologııalyq-geofızıkalyq taldaý jáne bir júıege keltirý jónindegi tórt jyldyq jumysyn aıaqtady. Osy jumystardyń negizinde geologııalyq barlaý kóleminiń basym baǵyttary anyqtaldy. Atap aıtsaq, ótken jyldyń 1 qazanynda QR Munaı jáne gaz mınıstrligi men «QazMunaıGaz» UQ» AQ arasynda Qansý ýchaskesinde barlaý jumystaryn júrgizý týraly kelisim jasaldy.

Sonymen qatar, «QazMunaıGaz» kompanııasynyń baspasóz qyzmeti habarlaǵandaı, 2013 jyly Jambyl Teńiz ýchaskesinde 1 barlaý uńǵysy burǵylanyp, Óriktaý ýchaskesinde 600 metrlik tereńdikte bir tereń uńǵyny burǵylaý jumystary bastaldy. Alǵashqy Jambyl 1-izdestirý ýchaskesinde munaıdyń belgisi baıqalǵan.