Qashaǵanda munaı óndirý kólemi táýligine 450 myń barrelge jetedi
«Qazirgi kezde Qashaǵanda ken ornyn paıdalanýdyń birinshi kezeńi aıasynda munaı óndirý kólemi táýligine 235 myń barrelge jetti. Qýat kezeń-kezeńimen arttyrylyp jatyr.
Jýyq arada táýliktik munaı óndirý kólemin 370 myń barrelge jetkizý úshin teńiz kesheni nysandarynda shıki gazdy qaıta qyrtysqa aıdaıtyn kompressorlardy jańǵyrtý, qazirgi burǵylaý aralynda shıki gazdy aıdaıtyn qosymsha kompressordy ornatý josparlanyp jatyr.
Budan tys, burǵylaý jáne teńiz nysandary arasynda qubyrlar jatqyzý boıynsha qosymsha jumystar atqarý josparda bar. Úkimet pen ınvestorlardyń qoldaýynyń arqasynda, bul munaı óndirýdiń táýliktik kórsetkishin 450 myń barrelge jetkizý múmkindigin beredi», - deıdi NKOK konsortsıýmynyń basqarýshy dırektory Brýno Jarden jobanyń 25 jyldyǵyn toılaý saltanatynda.