Qashaǵan jobasy boıynsha seriktes kompanııa shyǵystaryn qysqartýda
«Biz ınvestıtsııalar kezeńin qarastyryp, olardyń tıimdiligin qamtamasyz etkimiz keledi. Birinshi qadamda operatsııalyq shyǵyndardy edáýir tómendetýge negizdelgen. Bizdiń shyǵys bazamyz 10 mlrd. dollarǵa qysqarady dep kútip otyrmyz. Búginde shyǵystar 2011 jyldan tómengi deńgeıge oralýda »,-dedi jyl saıynǵy Kaspıı tehnıkalyq konferentsııasynda Qazaqstandaǵy «Shell» vıtse-prezıdenti Dýnkan van Bergen.
«Shell» úzdik jobalar kompanııa ishinde kapıtal úshin birimen biri básekelesýi úshin tıisti ortany quryp jatqan kórinedi. Sonymen qatar kontsern bızneste mańyzdy ról atqarmaıtyn aktıvterin satylymǵa shyǵarmaq.
Onyń sózinshe, sońǵy eki jylda munaıǵa baǵanyń tómendeýi ındýstrııany ózgeriske ushyratty. Ahýal álemniń barlyq elderine yqpal etýde.
«Yqpaldasqan bıznes-model osy jaǵdaıdy eńserýge kómektesedi. Osy rette biz aktsıonerlerimizge dıvıdentterdiń qaıtarymyn jáne ınvestıtsııalyq baǵdarlamalardyń turaqtylyǵyn qamtamasyz etýge tyrysýdamyz»,-dedi Dýnkan van Bergen.
Atap aıtqanda, Qashaǵanda munaı eksporty aǵymdaǵy aıdyń orta kezinde jandandy. Jyl sońyna deıin osy ken ornynda 500-den 1 mln. tonnaǵa deıin munaı óndirý josparlanyp otyr.