Qashaǵan, Teńiz, Qarashyǵanaqta munaı óndirý 102 mln tonnaǵa deıin ulǵaıady – Álibek Qýantyrov

<p>Qashaǵan, Teńiz jáne Qarashyǵanaq ken oryndarynda munaı óndirisi artady. Bul týraly Ulttyq ekonomıka mınıstri Álibek Qýantyrov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Ekonomıkanyń barlyq bazalyq salasynda oń dınamıka kútiledi. Shıkizattyq emes sektor boljamdy ósýdiń negizgi draıverdiń birine aınalady. Ónerkásiptegi ortasha jyldyq ósý qarqyny 2024-2028 jyldary 4 paıyzǵa jetedi. Óńdeý ónerkásibi orta eseppen 4,9 paıyz deńgeıinde ósedi jáne taý-ken ónerkásibiniń ósý qarqyny artady. Qashaǵan, Teńiz jáne Qarashyǵanaq ken oryndarynda óndiristi keńeıtý esebinen munaı óndirý 95,4-ten 102 mln tonnaǵa deıin ulǵaıady», - dedi Álibek Qýantyrov Májilistiń jalpy otyrysynda.

Odan bólek, Ulttyq ekonomıka mınıstri aýyl sharýashylyǵy, ınvestıtsııa ıgerý, ishki tutynýshylyq týraly sóz qozǵady.

«Aýyl sharýashylyǵynyń ortasha jyldyq ósimi 4,5 paıyz. Investıtsııalardy ıgerý jaǵdaıynda qurylys salasynyń joǵary ósý qarqyny kútilýde. Naqty sektordaǵy óndiristiń ósýi qyzmet kórsetý sektorynyń orta eseppen 6,3 paıyzǵa ósýine yqpal etedi. Іshki tutynýshylyq belsendilik orta eseppen 7,4 paıyzǵa ósedi. Kólik salasyndaǵy boljamdy ósim orta eseppen 6 paıyz, «aqparat jáne baılanys» salasynda 7,8 paıyz», - deıdi vedomstvo basshysy.