Qashaǵan suıytylǵan gazyn jetkizý týraly shartqa qol qoıyldy

<p>ASTANA. KAZINFORM&nbsp;&mdash; Soltústik-Kaspıı jobasynyń seriktesteri men &laquo;QazaqGaz&raquo; UK&raquo; AQ arasyndaǵy kelissóz qorytyndysy boıynsha Qazaqstannyń Energetıka mınıstrligi men &laquo;PSA&raquo; JShS qatysýymen taraptar Qashaǵan suıytylǵan munaı gazyn satyp alý-satý mámilesiniń sharttary boıynsha kelisimge keldi. Bul qadam Qazaqstannyń ishki naryǵynda suıytylǵan munaı gazyna (SMG) joǵary suranysqa baılanysty jasalyp otyr.&nbsp;</p>

Shartqa qol qoıý joba boıynsha túpkilikti ınvestıtsııalyq sheshim qabyldaýǵa baǵyttalǵan yntymaqtastyq aıasyndaǵy mańyzdy kezeń boldy.

Kelisim sharttaryna sáıkes Qashaǵan suıytylǵan munaı gazyn jetkizý 2025 jyldyń sońyna josparlanyp otyr, al jylyna 700 myń tonnadan astam maksımaldy jobalyq qýatqa ınfraqurylym jumystary aıaqtalǵannan keıin, ıaǵnı  2027 jylǵa qaraı jetedi.  

Qazirgi ýaqytta «QazaqGaz» UK» AQ Qashaǵan suıytylǵan munaı gazyn qabyldaýdy, saqtaýdy, qaıta tıeýdi jáne fraktsııalaýdy qamtamasyz etý úshin qajetti tehnologııalyq jabdyqtarǵa tapsyrystardy jobalaý jáne ornalastyrý jumysyn júrgizip jatyr. 

Bul jetkizilimder Qazaqstan aımaqtarynyń áleýmettik-ekonomıkalyq jaǵdaıyna oń áserin tıgizedi, suıytylǵan munaı gazynyń tapshylyǵyn azaıtýǵa kómektesedi jáne eldegi gaz-hımııa ónerkásibiniń damýyna yqpal etedi.