Qashaǵan operatory NCOC Ekologııa mınıstrligimen sottasyp jatyr

ASTANA. QazAqparat – Qashaǵan munaı ken ornynyń operatory North Caspian Operating Company (NCOC) Ekologııa jáne tabıǵı resýrstar mınıstrliginiń kúkirt shyǵaryndylaryn shekten tys asyrǵany týraly sheshimimen kelispedi, dep habarlaıdy QazAqparat tilshisi.

«Biz ótken jyly tekserý júrgizdik, bul josparly tekserý bolǵan edi. Tekserý barysynda biz birqatar buzýshylyqtardy anyqtadyq. Qorytyndylaı kele, bárin rásimdedik, kompanııa biz tirkegen sáttermen kelispedi. Kompanııa zań talaptaryna sáıkes joǵary turǵan organǵa, mınıstrlikke shaǵymdandy. Biz sonda da departamentti qoldadyq, óıtkeni bizdiń oıymyzsha, zańnama buzýshylyǵy oryn alǵan. Kompanııa úshin kelesi qadam – ýákiletti organnyń sheshimine sotqa shaǵymdaný. Sondyqtan biz halyqaralyq sotta emes, Astananyń mamandandyrylǵan sotynda turmyz. Qazir tyńdaýlar júrip jatyr», - dedi Ekologııa jáne tabıǵı resýrstar mınıstri Zúlfııa Súleımenova «Astana halyqaralyq forýmynyń» kýlýarynda.

Z. Súleımenova mınıstrlik nazaryn aýdarǵan eń úlken máselelerdiń biri – kúkirtti shamadan tys shyǵarý ekenin atap ótti. Qashaǵan operatory munymen kelispeýde.

«Jalpy, NCOC boıynsha qatelespesem, 10 tarmaq boıynsha teńizde, qurlyqta belgili bir buzýshylyqtar bar», - dep tolyqtyrdy Ekologııa mınıstri.