Qashaǵan munaıy Aqtaý-Baký baǵyty arqyly tasymaldana bastady

BAKÝ. AZERTADJ – QazAqparat – Qazaqstandyq «Qashaǵan» kenishinen alynǵan munaı Kaspıı teńizi arqyly Aqtaý-Baký baǵytynda tasymaldana bastady, dep habarlaıdy QazAqparat ázerbaıjannyń Azertadj agenttigine silteme jasap.

Jańa baǵyt boıynsha tasymal «Ázerbaıjan Kaspıı teńiz parohody» JAQ (ASCO) Teńiz kólik flotyna qarasty «Akademık Hoshbaht ıÝsıfzade» tankeriniń kómegimen júzege asyrylady.

AZERTADJ agenttiginiń habarlaýynsha, birinshi partııa aıasynda tankerdiń rezervýaryna barlyǵy 6 900 tonna shıki munaı tıelgen. Aqtaý portynan saparǵa shyqan tanker Ázerbaıjannyń «Sangachal» termınalyna jetkiziledi.

Aıta keteıik, Prezıdent Ilham Alıevtiń qatysýymen 2022 jyly iske qosylǵan «Akademık Hoshbaht ıÝsıfzade» tankeri 7800 tonna júk kótere alady. Bul tankermen munaımen qatar hımııalyq ónimderdi de tasymaldaýǵa bolady.