Qashaǵan munaı-ken ornynyń operatory Ekologııa mınıstrliginiń talabyna túsinikteme berdi

ASTANA. QazAqparat – «North Caspian Operating Company» óz qyzmeti barysynda ekologııalyq normalardy qatań ustanady. Ekologııa mınıstrliginiń talabyna qatysty túsinikteme bergen konsortsıýmnyń basqarýshy dırektory Olıve Lazar osylaı málim etti, dep habarlaıdy QazAqparat tilshisi Atameken Business-ke silteme jasap.

«Qazirgi ýaqytta men bul týraly áli eshteńe aıta almaımyn. Degenmen biz óz jumysymyzda ekologııalyq talaptardy qatań ustanamyz. Búginde bizde Ekologııa mınıstrligimen kelispeýshilikter bar. Alaıda, biz ózimizdiń atqaryp jatqan jumystarymyzdyń durys ekenine senimdimiz», - dedi Olıve Lazar.

Esterińizge sala keteıik, Ekologııa jáne tabıǵı resýrstar mınıstrligi Qashaǵan munaı ken ornynyń operatory «North Caspian Operating Company» (NCOC) kompanııasyna qatysty aryz túsirgen edi. Tekserý jumystary byltyr kúkirtti saqtaý erejeleriniń buzylýyna baılanysty bastalǵan bolatyn.

Bloomberg agenttiginiń málimetinshe, mınıstrlik shamamen 2,3 trln teńge (5,1 mlrd dollar) somasyna aryz túsirgen.