Qashaǵan men Teńizden 647 mln tonna munaı óndirildi
«Qashaǵan men Teńiz ken oryndary ıgerilgen sátten bastap 647,6 mln tonna (Qashaǵan – 97,8 mln, Teńiz – 549,8 mln) munaı óndirildi», - dep atap ótti Energetıka mınıstrliginen agenttiktiń resmı saýalyna oraı.
Vedomstvonyń málimetinshe, 1997 jylǵy 18 qarashadaǵy Soltústik Kaspıı boıynsha ónimdi bólisý týraly kelisim aıasynda (budan ári - SKBÓBK) SKBÓBK taraptary (merdiger kompanııalar jáne respýblıka) arasynda ónimdi bólý SKBÓBK sharttarynda kózdelgen ónimdi bólý tetikteri negizinde júzege asyrylady. Ónimdi odan ári satýdy (munaı eksporty, baǵasy jáne t. b. máseleler) SKBÓBK boıynsha merdiger kompanııalar derbes anyqtaıdy. ıAǵnı, bul máseleler SKBÓBK aıasynda qarastyrylmaıdy.
Aıta keteıik, «Qashaǵan» – Kaspıı teńiziniń qazaqstandyq sektorynda munaı óndiriletin alǵashqy eń iri ken orny. 2000 jyly ashylǵan. Munda óndiriletin munaı qory – boljam boıynsha 9-13 mlrd barrel. «Qashaǵanda» kommertsııalyq munaı óndirý 2016 jylǵy kúzde bastalǵan.
Teńiz - Qazaqstannyń Atyraý oblysyndaǵy, Atyraý qalasynan ońtústik-shyǵysqa qaraı 350 shaqyrym jerde ornalasqan munaı-gaz ken orny. Kaspıı mańy munaı-gaz provıntsııasyna jatady. 1979 jyly ashylǵan. Teńiz Qazaqstandaǵy munaı qory boıynsha (Qashaǵan ken ornynan keıin) 2-oryn alady. Geologııalyq qordyń boljamdy kólemi - 3 mlrd 133 mln tonna. Іlespe gazdyń qory - 1,8 trln tekshe metr.