Qashaǵan ken ornynyń operatory tolyq kólemde ıgerý tujyrymdamasyn ázirleıdi
«Qashaǵan jobasyn iske asyrýǵa memlekettiń tıimdi qatysýy týraly Sheteldik ınvestorlar keńesi aıasyndaǵy Memleket basshysynyń hattamalyq tapsyrmasyna (2020 jylǵy 18 qarasha) sáıkes bıyl Qashaǵan ken ornynyń shıkizaty negizinde quny 860 mln AQSh dollary, qýaty 1,150 mlrd m3 Gaz óńdeý zaýytynyń qurylysyn bastaý josparlanýda. Osy jobany iske asyrýdan kútiletin nátıje – qosymsha 800 mln m3 taýarlyq gaz óndirý jáne jańa jumys oryndaryn qurý, sondaı-aq munaı óndirý kólemin qosymsha 10 mln tonnaǵa deıin ósirý», - dedi mınıstr.
Onyń aıtýynsha, buǵan qosa, Qashaǵan ken ornyn tolyq kólemde ıgerý tujyrymdamasyn ázirleýge daıyndyq júrgizilip jatyr. Qazirgi ýaqytta tájirıbelik-ónerkásiptik ıgerý kezeńiniń barlyq nysandary paıdalanýǵa berildi, olardyń óndiristik qýaty táýligine 400 myń barreldi qurap otyr. «Degenmen, Mınıstrlik 2020 jylǵy mamyr aıynan bastap engizgen shekteýlerge baılanysty ortasha táýliktik óndirý 280 myń barrel deńgeıinde tur. Operatormen birlesip, biz osy jyldyń sońyna deıin Odan ári keńeıtý tujyrymdamasyn pysyqtaýymyz kerek», - dedi N. Noǵaev.