Qashaǵan ken ornynda gaz óńdeý zaýyty salynady
«2019 jyly munaı jáne kondensat eksportynyń kólemi 72,2 mln tonna bolsa, bıyl 67,5 mln tonnany quraıdy. Atyraý oblysynda teńiz ken ornynda quny 45,2 mlrd dollar jáne sonyń inishe qazaqstandyq úlesi 36%, ıaǵnı 16 mlrd dollar quraıtyn teńizde keleshekte keńeıtý jobasy júzege asýda. 230-ǵa jýyq otandyq servıstik kompanııa qurylys jumystaryna, metall konstrýktsııasyn jasaýǵa jáne basqa da jumysqa tartyldy. Joba aıaqtalǵan soń qosymsha 12 mln tonna munaı óndirýge bolady», - deıdi QR Energetıka mınıstri Nurlan Noǵaev.
Onyń aıtýynsha, Qashaǵan ken ornynda 2022 jylǵa qaraı táýligine 450 myń barrelge deıin munaı óndirý deńgeıine qol jetkizý maqsatynda jańa gaz óńdeý zaýytyn salý jobalaryn iske asyrý jáne kompressorlardy jańǵyrtý jónindegi jumystardy jalǵastyrý júrip jatyr.
«Merdiger kompanııalarmen birge Qashaǵan ken ornynyń ekinshi kezeńi boıynsha jol kartasyn pysyqtap, qazirgi tańda talqylaýdamyz. Qýaty 1 mlrd tekshe metr bolatyn gaz óńdeý zaýytyn salý kelisimsharttyq kezeńde qosymsha shamamen 8 mln tonna munaı alýǵa múmkindik beredi. «Qarashyǵanaq» jobasy belsendi fazada jáne iske asyrý kestesimen qosa otyryp gaz boıynsha óndiristik shekteýlerdi alyp tastaý ınvestıtsııalyq jobalary jáne gazdy keri aıdaýdyń tórtinshi kompressor jobasyn júzege asyrý josparlanýda. Qazirgi tańda bul másele aktsıonerler tarapynan talqylanýda», - deıdi ol.