Qashaǵan ken ornynan búginde táýligine 60 myń barrel munaı óndiriledi - Saýat Myńbaev
15:43, 08 Qazan 2013
ASTANA. 8 qazan. QazAqparat - Búginde Qashaǵan ken ornynan táýligine 60 myń barrel munaı óndiriledi.
Bul týraly 8-shi KAZENERGY Eýrazııa forýmynyń aıasyndaǵy plenarlyq sessııada «QazMunaıGaz» AQ basqarmasynyń tóraǵasy Saýat Myńbaev málimdedi.
Onyń sózine qaraǵanda, jyl saıyn eldiń munaı-gaz salasyna aıtarlyqtaı ınvestıtsııalar túsip, óndirý salasynda aýqymdy jobalar júzege asyrylyp jatyr.
«Sondaı jobalardyń biri, sózsiz - Qashaǵan (Soltústik Kaspıı jobasy). Forým qarsańynda Qashaǵan ken ornynan birinshi munaı óndirildi, búginde onda táýligine 60 myń barrel munaı óndiriledi. Qazaqstan óziniń seriktesterimen birge oǵan qol jetkizý úshin shamamen 10 jyldan artyq ýaqyt jumsady», - dedi S.Myńbaev.