«Qashaǵan» ken ornynan 14,1 mln tonna munaı eksporttaldy

ATYRAÝ. QazAqparat –Kaspıı teńiziniń qazaqstandyq sektoryndaǵy «Qashaǵan» ken ornynan 14,1 mıllıon tonnadan astam munaı eksporttaldy, dep habarlaıdy QazAqparat.

Atyraý oblysyndaǵy iri ken ornynyń qatarynda «Qashaǵan» da bar. Bul ken ornyn ıgerý jobasynyń operatory –NCOC kompanııasy. Teńiz munaıy 2016 jyldan beri jasandy araldarda óndiriledi.

«2019 jyly «Qashaǵan» ken ornynan óndirilgen 14,1 mıllıon tonnadan astam munaı eksporttaldy. Sondaı-aq, shetel naryǵyna jiberilgen gaz kólemi 3,5 mıllıardtan asa tekshe metrdi qurady. Al, eksporttalǵan kúkirt 1 mıllıon 207 myń tonnadan asty» dep habarlady NCOC kompanııasynyń baspasóz qyzmeti.